អន់ចង់! ទិញ iPhone 6 បានមុនគេ ធ្វើអោយជ្រុះធ្លាក់មុនគេភ្លាម!
វត្តមានរបស់ iPhone 6 ធ្វើអោយកក្រើកពេញពិភពលោកតែម្ដង
ដោយមានប្រទេសមួយចំនួនបានដាក់ លក់ស្មាតហ្វូនជំនាន់ថ្មីនេះជាបណ្ដើរៗហើយ
ក៏ដូចជាប្រទេសកម្ពុជាយើង ក៏ត្រៀមដាក់លក់នៅថ្ងៃស្អែកនេះផងដែរ។ យ៉ាងណាមិញ
ស្របពេលជាមួយនឹងការដាក់លក់ iPhone 6 នេះ ក៏មានរឿងគួរអោយភ្ញាក់ផ្អើលមួយ
បានកើតឡើងនៅប្រទេសអូស្ដ្រាលី ដោយមានបុរសម្នាក់ បានតម្រង់ជួរទិញ iPhone 6
បានមុនគេ ជាមួយនឹងទឹកមុខរភើបមែនទែន
ហើយក៏មានក្រុមអ្នកសំភាសន៍ចង់សាកសួរពីអារម្មណ៍របស់គាត់ផងដែរ ប៉ុន្ដែជាអកុសល
នៅពេលដែលគាត់ ឈរនៅមុខកាមេរ៉ា ដែលគេកំពុងសំភាសន៍ គាត់នោះ iPhone 6
របស់គាត់បានជ្រុះ ធ្លាក់ទៅលើដីភ្លាមៗតែម្ដង
ខណៈពេលដែលគាត់ឈរបើកប្រអប់ទាំងប្រញាប់ប្រញាល់។
បន្ទាប់ពី iPhone 6 របស់គាត់បានជ្រុះធ្លាក់ភ្លាម គាត់ក៏ប្រញាប់រើសវាឡើង
ដាក់ចូលប្រអប់វិញ ភ្លាមតែម្ដង ជាមួយនឹងទឹកមុខ ស្រឡាំងកាំង
ក៏ដូចជាខ្មាស់អ្នកនៅជុំវិញខ្លួនរបស់គាត់។ ចំពោះ iPhone 6
របស់គាត់ប្រេះអេក្រង់ ឬបែកបាក់យ៉ាងណា ខ្លះនោះគឺយើង មិនទាន់ដឹងនោះទេ
ព្រោះគាត់រើសឡើងវិញលឿនពេក។
យ៉ាងណាមិញខេមបូ ក៏សូមចូលរួមសោកស្ដាយ ចំពោះរូបគាត់ផងដែរ
ដែលបានជួបហេតុដ៏ចៃដន្យមួយនេះ
ហើយវាក៏ជាបទពិសោធន៍មួយសម្រាប់អ្នករាល់គ្នាដែលត្រូវប្រយ័ត្នប្រយែងមុននឹងធ្វើអ្វីមួយ។
No comments:
Post a Comment