ព្រឹត្តិការណ៍ក្តៅៗទាំង៤ កើតឡើងជុំវិញពិភពលោក សម្រាប់ល្ងាចថ្ងៃសុក្រ ទី២៦
 |
១) ចំនួនប្រជាជនអឺរ៉ុប ប្រមាណ ៣ ០០០ នាក់ កំពុងចូលរួមជាមួយនឹង ក្រុមឥស្លាមជ្រុលនិយមជីហាត ក្នុងប្រទេសស៊ីរី និង អ៊ីរ៉ាក់។ នេះបើតាមការបញ្ជាក់ របស់ប្រធានភ្នាក់ងារប្រយុទ្ធប្រឆាំងនឹងអំពើភេរវកម្មរបស់សហភាព អឺរ៉ុប។
២) សហរដ្ឋអាមេរិក និង សម្ពន្ធអារ៉ាប់ គ្រោង បើកការវាយប្រហារជាថ្មី លើក្រុមជីហាត ក្នុងប្រទេសស៊ីរី ក្រោយពេលពួកគេបានវាយប្រហារលើគោលដៅសំខាន់ៗ ជាពិសេសនោះ គឺ រោងចក្រចម្រាញ់ប្រេងតែម្តង។
៣) សិស្សអនុវិទ្យាល័យរបស់ទីក្រុងហុងកុង ប្រមាណ ១ ០០០ នាក់នៅថ្ងៃសុក្រនេះ បានចូលរួមតវ៉ា ប្រឆាំង នឹងរដ្ឋាភិបាលទីក្រុងប៉េកាំង ជុំវិញការរឹតបណ្តឹងសិទ្ធិសេរីភាពលទ្ធិប្រជាធិបតេយ្យ។ សូមបញ្ជាក់ថា ការតវ៉ាធ្វើឡើង ក្រោយពេលដែល រដ្ឋាភិបាលទីក្រុងប៉េកាំង គ្រោងជ្រើសរើសបេក្ខជន ឲ្យចូលរួមបោះឆ្នោតជ្រើសរើសមេដឹកនាំទីក្រុងហុងកុង នៅឆ្នាំ ២០១៧។
៤) អ្នកជំនាញសុខភាពមកពីប្រទេស ១៦នៅអឺរ៉ុប បានទទូចឲ្យសហភាពអឺរ៉ុប ចាត់វិធានការជាបន្ទាន់ ដើម្បីប្រឆាំងនឹង ការរាលដាលយ៉ាងឆាប់រហ័សនៃជម្ងឺអេបូឡា ដែលបច្ចុប្បន្នកំពុងបង្កបញ្ហាស្មុគស្មាញយ៉ាងខ្លាំងដល់ពិភពលោក៕
ប្រែសម្រួល៖ រស្មី
ប្រភព៖ Channel News Asia & BBC
No comments:
Post a Comment